တပ်မဲရုံတချို့ မဲရေတွက်ပြီးစီး
ဒီကနေ့ ရွေးကောက်ပွဲ အတွက် ဇေယျာသီရိ မြို့နယ်က တပ်မဲရုံတချို့မှာ မဲတွေ ရေတွက် ပြီးစီးသွားပြီလို့ အဲဒီမြို့နယ်မှာ သတင်းယူနေတဲ့ ဘီဘီစီ သတင်းထောက်က ပြောပါတယ်။ မဲရုံ စုစုပေါင်း ၁၂ ရုံ ရှိရာမှာ တချို့ကို ရေတွက်ပြီးစီးခဲ့တာဖြစ်ပါတယ်။
ရေတွက်ပြီးစီးသလောက် တပ်မဲရုံ အများစုမှာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ USDP က အသာရနေပြီး အမျိုးသားဒီမိုကရေစီ အဖွဲ့ချုပ်ပါတီ NLD ပါတီကလည်း ထောက်ခံမဲ အနည်းငယ် ရတာတွေ့တယ်လို့ သူက ပြောပါတယ်။
ဘီဘီစီက ရရှိထားတဲ့ အတည်ပြု မဲစာရင်းအရ မဲရုံ အမှတ် ၈ မှာ USDP ပါတီဥက္ကဋ္ဌဖြစ်တဲ့ ပြည်သူ့လွှတ်တော် ကိုယ်စားလှယ်လောင်း ဦးသန်းဌေးက မဲရုံကိုလာထည့်တဲ့ မဲလက်မှတ်နဲ့ ကြိုတင်မဲ ပေါင်းရင် ၂၃၇ မဲ ရရှိပြီး NLD ကိုယ်စားလှယ်လောင်း ဒေါက်တာ မိုးဆွေက စုစုပေါင်း ၃ မဲ ရရှိပါတယ်။
ဓာတ်ပုံ-အောင်သူရ (ဘီဘီစီမြန်မာပိုင်း)
ယခုကဲ့သို့ နောက်ဆုံးရသတင်းများနှင့် သိရှိလိုသော ဒေသဆိုင်ရာအချက်အလက်များကို www.winnetmyanmar.com နှင့် winnetmyanmar Facebook Page တို့တွင် ဝင်ရောက်ဖတ်ရှု ရေးသား ဆွေးနွေးနိုင်ပါသည်။