ရန်ကုန်မြို့၊ ပန်းဘဲတန်းမြို့နယ်၊ မဟာဗန္ဓုလလမ်းနှင့် လမ်း (၃၀) ထောင့်တွင် တည်ရှိသည်။ ရှီယာမွတ်ဆလင်များ ဝတ်ပြုဆုတောင်းသည့် ဗလီဖြစ်ပြီး မဂိုသျှီအဟ်ဂျာမေမဇ်ဂျစ်(ဒ်)ဗလီဟုလည်း ခေါ်တွင်သည်။ ၁၈၅၄ ခုနှစ်တွင် ကျွန်းသားဗလီအဖြစ် တည်ရှိရာမှ ယခုလက်ရှိဗလီကြီးကို အီရန်မျိုးနွယ်ဖွား မဂိုလူမျိုးနွယ်စုများက ၁၉၁၄ ခုနှစ်တွင် အုတ်မြစ်ချ၍ တည်ဆောက်ခဲ့ရာ ၁၉၁၈ ခုနှစ်တွင် ဆောက်လုပ်ပြီးစီးခဲ့သည်။ ၁၉၉၆ ခုနှစ် ဇွန်လ ၆ ရက်နေ့တွင် အစိုးရက ဤမဂိုဗလီကြီးကို သမိုင်းဝင်ရှေးဟောင်းအထိမ်းအမှတ်လက်ရာ အဆောက်အအုံအဖြစ် သတ်မှတ်ခဲ့သည်။