ဖိုက်ဇာကုမ္ပဏီက ၎င်းတို့၏ကာကွယ်ဆေးကို အမေရိကန် FDA၏ ခွင့်ပြုချက်ရယူသွားမည်
ဝါရှင်တန် နိုဝင်ဘာ ၁၉
အမေရိကန်ဆေးဝါးထုတ်လုပ်ရေးကုမ္ပဏီကြီးဖြစ်သည့် ဖိုက်ဇာသည် ၎င်းတို့ ၏ ကာကွယ်ဆေးကို အရေးပေါ်အခြေအနေအတွက် သုံးစွဲခွင့်ရရှိရေး လုပ်ဆောင် လျက်ရှိသည်။
၎င်းတို့၏ကာကွယ်ဆေးမှာ ကိုဗစ် - ၁၉ ကူးစက်မှုမှ ၉၅ ရာခိုင်နှုန်း ကာကွယ်တားဆီးနိုင်သည်ဟု စမ်းသပ်ချက်ထွက်ပေါ်လာပြီးနောက် ယခုလို လုပ်ဆောင်ခဲ့ခြင်းဖြစ်သည်။
ဖိုက်ဇာကုမ္ပဏီသည် ဂျာမနီကုမ္ပဏီဖြစ်သည့် BioNtech နှင့် လက်တွဲကာ ကာကွယ်ဆေးစမ်းသပ်မှုပြုလုပ်ခဲ့ခြင်းဖြစ်သည်။ နိုဝင်ဘာ ၁၈ ရက် ကြေညာချက် အရ ဖိုက်ဇာကုမ္ပဏီမှထုတ်လုပ်သည့် ကာကွယ်ဆေးသည် လူပေါင်း ၄၀၀၀၀ ကျော်ပါဝင်သည့် ဆေးဝါးစမ်းသပ်မှုကို နောက်ဆုံးအဆင့် သုံးသပ်မှု ပြုလုပ်ပေး ခဲ့သည်။
ကိုဗစ် -၁၉ ကာကွယ်ဆေး ပါဝင်ပစ္စည်းများနှင့် ပတ်သက်ပြီး ဖိုက်ဇာ ကုမ္ပဏီတွင် စိုးရိမ်မှုကြီးကြီးမားမား မဖြစ်ပေါ်ခဲ့ပေ။ ဆေးဝါးစမ်းသပ်ရာတွင် ပါဝင်သူ ၃ ဒသမ ၈ ရာခိုင်နှုန်းတွင် ပင်ပန်းနွမ်းနယ်မှုခံစားရပြီး ၂ ရာခိုင်နှုန်းမှာ ခေါင်းကိုက်မှုကို ခံစားရသည်။
၎င်းတို့အားလုံး ဒုတိယအကြိမ် ကာကွယ်ဆေးပေးပြီးနောက် ခံစားရသည့် ဝေဒနာများကို မှတ်တမ်းတင်ထားခြင်းဖြစ်သည်။ အရေးပေါ်သုံးစွဲခွင့်အတွက် ရက်အနည်းငယ်အတွင်း အမေရိကန်အစားအသောက်နှင့်ဆေးဝါးကွပ်ကဲရေးဌာန (အက်ဖ်ဒီအေ)၏ ခွင့်ပြုချက်ရရန် ကာကွယ်ဆေး၏ လုံခြုံစိတ်ချရသော အချက်အလက်များ လိုအပ်သည်ဟု ဖိုက်ဇာကုမ္ပဏီက ပြောသည်။
ယင်းဆေးကို ခွင့်ပြုချက်မပေးမီ အက်ဖ်ဒီအေမှ အကြံပေးအစည်းအဝေးကျင်းပမည်ဖြစ်သည်။
ဖိုက်ဇာသည် ၂၀၂၁ ခုနှစ် ဇွန်လကုန်ပိုင်းတွင် ဂျပန်နိုင်ငံသို့ ကာကွယ် ဆေး သန်း ၆၀ ပေးရန် ဂျပန်အစိုးရနှင့် ကနဦးသဘောတူထားသည်။
အင်န်အိတ်ခ်ျကေ
ဗြိတိန်က ကိုဗစ်ကာကွယ်ဆေး အလားအလာကောင်း
တရုတ်ကိုဗစ်ကာကွယ်ဆေး အောင်မြင်မှုတွေ့ရ
အမေရိကန် ကိုဗစ် ကာကွယ်ဆေး အသက် ၆၅ အထက်တွေမှာ ၉၄ ရာနှုန်း ထိရောက်တယ်လို့ဆို