ကျော်ထက်အောင်

ကျော်ထက်အောင်ကို ၁၉၈၅ ခုနှစ် စက်တင်ဘာလ ၁၄ ရက်နေ့တွင် ရန်ကုန်မြို့၌ မွေးဖွားခဲ့သည်။ မိဘများမှာ ဦးဝင်းလွင်နှင့် ဒေါ်မြင့်မြင့်ဦးတို့ ဖြစ်သည်။ ရန်ကုန်အရှေ့ပိုင်းတက္ကသိုလ်မှ ဘွဲ့ရရှိခဲ့သည်။ ၂၀၀၀ ပြည့်နှစ်တွင် Talents & Models Agency တွင် တက်ရောက်ခဲ့သည်။

အစီအစဉ်တင်ဆက်သူအလုပ်ကို ၂၀၀၇ ခုနှစ်က စတင်ခဲ့သည်။ အစီအစဉ်တင်ဆက်သူ အငယ်ပိုင်းများတွင် ဒုတိယမျိုးဆက်ဖြစ်ပြီး Family Entertainment တွင် ၂၀၁၀ မှ ၂၀၁၄ အထိ လုပ်ကိုင်ခဲ့သည်။ ထို့နောက် အလွတ်မော်ဒယ်နှင့် အခမ်းအနားမှူးအဖြစ် လုပ်ကိုင်ခဲ့သည်။၂၀၁၆ ခုနှစ်တွင် Myanmar Idol ၏ ပထမဆုံးရာသီတွင် အစီအစဉ်တင်ဆက်သူအဖြစ် လုပ်ကိုင်အပြီး လူသိများလာခဲ့သည်။ ၂၀၁၆ နှင့် ၂၀၁၇ ခုနှစ်တွင် မြန်မာ့ရုပ်ရှင်ထူးချွန်ဆုပေးပွဲ၌ အစီအစဉ်တင်ဆက်သူအဖြစ် လုပ်ကိုင်ခဲ့သည်။

မြန်မာဘရူဝေးမှ ရိုက်ကူးသည့် ဇာတ်လမ်းတိုတွင် ပါဝင်ခဲ့သည်။ ၂၀၁၆ တွင် သူ၏ ပထမဆုံး ရုပ်ရှင်ဇာတ်ကားဖြစ်သော "ကြတ်ဂူ"ကို ရိုက်ကူးခဲ့သည်။ ထို့နောက် အောင်ခေတ်မင်းရုပ်ရှင်ထုတ်လုပ်ရေး၏ မင်းသားအဖြစ် လုပ်ကိုင်ခဲ့သည်။

ပထမဆုံး ခေါင်းဆောင်မင်းသားအဖြစ် ရိုက်ကူးခဲ့သောဇာတ်ကားမှာ "သူငယ်" ဇာတ်ကား ဖြစ်သည်။ ရန်အောင်၊ ရဲအောင်၊ မင်းဦး၊ စိုးမြတ်သူဇာ၊ ထွန်းအိန္ဒြာဗိုလ်၊ ခိုင်သင်းကြည်နှင့် မာရီကိုလ်းတို့ဖြင့် တွဲဖက်သရုပ်ဆောင်ခဲ့သည်။ ထိုနှစ်တွင်ပင် "နေခြည်မှာရွှေရည်လောင်း" ဇာတ်ကားတွင် သရုပ်ဆောင်ခဲ့ပြီး ၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲတွင် အကောင်းဆုံးမင်းသားဆုအတွက် ဇကာတင် ၄ ယောက်စာရင်း ဝင်ခဲ့သည်။

၂၀၁၈ ခုနှစ်တွင် "စစ်ကိုမုန်း၍တိုက်ခဲ့သည်" ဇာတ်လမ်း၌ စစ်ဆရာဝန်တစ်ယောက်အနေဖြင့် ပါဝင်ခဲ့သည်။ ထိုနှစ်တွင်ပင် "စရိုက်" ဟူသောဇာတ်ကားတွင် ခေါင်းဆောင်မင်းသားအဖြစ် ရိုက်ကူးခဲ့သည်။

၂၀၁၇ ခုနှစ်တွင် Red Bull နှင့် Nescafé ၏ Brand Ambassador နှင့် ၂၀၁၈ ခုနှစ်တွင် Nutrivita ၏ Brand Ambassador အဖြစ် ဆောင်ရွက်ခဲ့သည်။

၂၀၁၆  ကြတ်ဂူ        

၂၀၁၇  သူငယ် အရုဏ်ဦး ပွင့်သိင်္ဂီဇော်

၂၀၁၇  နေခြည်မှာရွှေရည်လောင်း   

၂၀၁၈  စစ်ကိုမုန်း၍တိုက်ခဲ့သည်      

၂၀၁၈  စရိုက် 

၂၀၁၈  ကာဘွန်ဒိုင်အောက်ဆိုဒ်

၂၀၁၈  The Masks