တနင်္သာရီ နိုဝင်ဘာ ၈
တနင်္သာရီတိုင်းဒေသကြီး တနင်္သာရီမြို့ နယ်အတွင်း ရပ်ကွက်/ကျေးရွာ၂၅ အုပ်စုမှ မဲရုံပေါင်း ၉၇ ရုံအား ယနေ့ နံနက် ၆ နာရီက စတင်ဖွင့်လှစ်ပြီး မဲဆန္ဒရှင်ပြည်သူများက စိတ်ပါဝင် စားစွာ လာရောက်စောင့်ဆိုင်းလျက် စိတ်အေးချမ်းသာစွာ ဆန္ဒမဲပေးလျက် ရှိကြောင်း ချောင်းငယ်ရပ်ကွက် မဲရုံ အမှတ်(၁)မှ သိရသည်။
လုံခြုံရေးကြိုးဖြင့် မဲပုံးကိုပိတ်
ချောင်းငယ်ရပ်ကွက် မဲရုံအမှတ် (၁)အား နံနက် ၆ နာရီတွင် မဲရုံစတင် ဖွင့်လှစ်ပြီး ကော်မရှင်အဖွဲ့ဝင်များ၊ ပါတီ အကူကိုယ်စားလှယ်များ၊ ရွေးကောက်ပွဲ လေ့လာစောင့်ကြည့် သူများ၊ မီဒီယာများရှေ့တွင် မဲပုံး အလွတ်ဖြစ်ကြောင်း သက်သေပြသပြီး နောက် လုံခြုံရေးကြိုးဖြင့် မဲပုံးကိုပိတ် သည်။
ယင်းနောက် ကျန်းမာရေးနှင့် အားကစားဝန်ကြီးဌာန၏ ကိုဗစ်-၁၉ လမ်းညွှန်ချက်များနှင့်အညီ အသင့် စောင့်ဆိုင်းနေသော မဲဆန္ဒရှင်ပြည်သူ များက ဆန္ဒမဲများကို စနစ်တကျ လျှို့ဝှက်စွာ ထည့်ပေးလျက်ရှိကြောင်း၊ အလားတူ ချောင်းကြီးရပ်ကွက် အထက-တနင်္သာရီ မဲရုံအမှတ်(၁)နှင့် အခြားသော မဲရုံ ၉၇ ရုံတွင်လည်း ယခုကဲ့သို့ စနစ်တကျဆန္ဒမဲပေးနေကြ ပြီဖြစ်ကြောင်း သိရသည်။
တနင်္သာရီမြို့နယ်၌ တစ်သီး ပုဂ္ဂလအပါအဝင် နိုင်ငံရေးပါတီ ခြောက် ပါတီမှ ကိုယ်စားလှယ်လောင်း ၂၁ ဦးက ဝင်ရောက်ယှဉ်ပြိုင် အရွေးခံကြ ကြောင်း မြို့နယ်ကော်မရှင် အဖွဲ့ခွဲရုံးမှ သိရသည်။
မြို့နယ်(ပြန်/ဆက်)
