မြကျိုင်းတောင်သည် မကွေးတိုင်းဒေသကြီး၊ ပွင့်ဖြူမြို့နယ်၊ ဆည်တော်ကျေးရွာအနီး တောင်ဘက်တွင် တည်ရှိပါသည်။ တောင်ပေါ်တွင် စေတီပုထိုးများ၊ ရေကန်၊ ဘုန်းကြီးကျောင်းများရှိပါသည်။ နှစ်စဉ်နှစ်တိုင်းဘုရားပွဲတော်ကို တန်ဆောင်မုန်းလတွင် ကျင်းပပါသည်။ ဇာတ်ပွဲများ၊ ဈေးဆိုင်တန်းများ၊ တောင်ပေါ်သို့တက်ရောက်လာကြသူများနှင့် အလွန်စည်ကားလှပါသည်။ ဘုရားဖူးလာ ရဟန်းရှင်လူပြည်သူများသည် တန်ဆောင်မုန်းလပြည့်နေ့တွင် နံနက်စောစော တောင်ပေါ်တက်ရောက်ကြသည့် အလေ့အထရှိပြီး အချို့လည်း လိပ်ကန်၊ လွမ်းစေတီ၊ ကရဝိတ်၊ သစ်တစ်ပင်တောင်ထိပ်အထိ တက်ရောက်ကြပါသည်။
