အမျိုးသားစာပေ တစ်သက်တာဆုရ စာရေးဆရာမတစ်ဦး ဖြစ်သည်။ စာရေးဆရာကြီး မဟာဆွေ နှင့် ဒေါ်ကြည်ကြည်တို့၏ သမီး ဖြစ်ပြီး ၁၉၃၃ ခုနှစ် ဒီဇင်ဘာလ ၁ ရက်နေ့တွင် စစ်ကိုင်းမြို့၌ မွေးဖွားခဲ့သည်။
၁၉၃၉ မှ ၁၉၄၂ အထိ ရန်ကုန်မြို့ မြို့မ အထက်တန်းကျောင်း တွင် သုံးတန်းအထိ သင်ကြားခဲ့သည်။ ၁၉၄၂ မှ ၁၉၄၉ အထိ စိန့်ဂျွန်းကွန်ဗင့်ကျောင်းတွင် သုံးတန်းမှ ခုနစ်တန်းအထိလည်းကောင်း၊ ၁၉၄၉ မှ ၁၉၅၁ အထိ စိန့်မေရီကျောင်းတွင် ရှစ်တန်းမှ တက္ကသိုလ်ဝင်တန်းအထိ ပညာသင်ကြားခဲ့သည်။
၁၉၅၁ ခုနှစ်တွင် တက္ကသိုလ်ဝင်တန်း အောင်မြင်ခဲ့ပြီး ၁၉၅၁ မှ ၁၉၅၃ အထိ ရန်ကုန်တက္ကသိုလ်တွင် ပထမနှစ် ပညာသင်ကြားခဲ့ပြီး ၁၉၅၄ မှ ၁၉၅၅ အထိ မန္တလေးတက္ကသိုလ်တွင် ဆက်လက် ပညာသင်ကြားခဲ့ပြီး ၁၉၅၆ ခုနှစ်တွင် မန္တလေးတက္ကသိုလ်မှ ဝိဇ္ဇာဘွဲ့ကို ရရှိခဲ့သည်။
၁၉၆၅ မှ ၁၉၆၇ ခုနှစ်အထိ ပညာရေးတက္ကသိုလ်တွင် ဆက်လက်ပညာသင်ကြားခဲ့ရာ ၁၉၆၇ ခုနှစ်တွင် ပညာရေးဘွဲ့ကို ရရှိခဲ့သည်။
၁၉၅၈ ခုနှစ်မှ ၁၉၆၇ ခုနှစ်အထိ လသာ (၂) တွင် အထက်တန်းပြ ဆရာမ တာဝန်ကို ထမ်းဆောင်ခဲ့သည်။
၁၉၄၆ ခုနှစ်၌ သံတော်ဆင့် သတင်းစာ ကလေးစာပေကဏ္ဍတွင် ဆောင်းပါးများစတင် ရေးသားခဲ့သည်။ ၁၉၆၁ ခုနှစ်ထုတ် တို့ တိုင်းဌာနီ အမည်ရှိ ပထမဆုံး လုံးချင်း ဝတ္ထုကြီးဖြင့် စာပေနယ်တွင် ထင်ရှား။ ဘဝမုန်တိုင်း၊ ဥမ္မာ၊ ကံ့ကော်ဦး၊ မိုးနှင့်ရေ၊ မြကာရှင်၊ မိုးပန်း ဝေဝေလွင်၊ အင်ကြာင်းရဂုံ၊ တေးသီလို့ ဖွဲ့မယ်၊ ရွှေပြည်ကိုသာ လွမ်းတော့သည်၊ တိမ်တောက်ချိန်၊ မိုးရေ ချိုချို၊ အသက် ကလေးရယ်တဲ့ ရှည်စေလို စသည်ဖြင့် လုံးချင်း များစွာနှင့် မဂ္ဂဇင်း၏ ဝတ္ထုရှည်၊ ဝတ္ထုတိုနှင့် ဆောင်းပါး များစွာ ရေးသားခဲ့သည်။ "ငြိမ်းချမ်းပါစေ" ဝတ္ထုတို ပေါင်းချုပ် စာအုပ်ဖြင့် ၁၉၆၃ ခုနှစ်၊ အနုပညာ စာပေ ဆိုင်ရာ ဝတ္ထုတို ပေါင်းချုပ် စတုတ္ထ ဆုကို ဆွတ်ခူး ရရှိခဲ့သည်။
၁၉၅ဝ ခုနှစ်တွင် ရှုမဝ၊ ကလေးတို့စာပေ၊ ဆောင်းပါး နှင့် ယနေ့မဂ္ဂဇင်း ( မိုးဝေ စာပေ မဂ္ဂဇင်း၊ ရှုမဝ၊ ငွေတာရီ၊ မြဝတီ၊ သွေးသောက်၊ ရုပ်ရှင်၊ ပေဖူးလွှာ၊ စစ်ပြန်) များထိ ဝတ္ထု တိုပေါင်း ၂ဝဝ ကျော်၊ ဆောင်းပါးပေါင်း ၃ဝ ကျော် နှင့် လုံးချင်း ဝတ္ထု ရှည် အပုဒ်ပေါင်း ၅ဝ ကျော် ရေးသားခဲ့သည်။ စပယ်ဖြူ မဂ္ဂဇင်းကို ဦးစီးထုတ်ဝေသည်။ ၁၉၅၃ ခုတွင် ကိုစိန်ဘန်းနှင့် လက်ထပ်သည်။ ပုလဲဆွေ မွေးပြီးနောက် ပြတ်စဲကြသည်။
ရေးသားသော စာအုပ်များ
မျှော်မျှော်သူမောရရှာတယ်နှင့်မပန်သာသည် (၁၉၆၀)
ဒို့တိုင်းဌာနီ (၁၉၆၁)
ခေတ်နှင့်အတူ (၁၉၆၂)
ဘဝနှင့်မုန်တိုင်း (၁၉၆၂)
ဥမ္မာ (၁၉၆၃)
ငြိမ်းချမ်းပါစေ (၁၉၆၃)
ကံ့ကော်ဦး (၁၉၆၃)
စုံတောမြိုင် (၁၉၆၃)
ဖက်ရှင်မယ် (၁၉၆၃)
မိုးနှင့်ရေ (၁၉၆၄)
မိန်းမနှင့်... (၁၉၆၄)
မိုးတိမ်လွှာ (၁၉၆၅)
မင်္ဂလာရယ်မှ (၁၉၆၅)
မြကေရှင် (၁၉၆၅)
ပုလဲငုံ (၁၉၆၆)
ပန်းဗေဒါပွင့်ရွှေကြာနှင့်မဂ္ဂဇင်းဝတ္ထုတိုများ (၁၉၆၆)
လှမျိုးနွယ် (၁၉၆၆)
ရွှေပြည်ကိုသာလွမ်းတော့သည် (၁၉၆၇)
တေးသီလို့ဖွဲ့မယ် (၁၉၆၇)
နေကြာမျက်နှာနေမျက်နှာ (၁၉၆၇)
ဖြူဖြူနီနီဝါဝါ (၁၉၆၈)
သခင်ဇင်ပန်းတစ်ခက်နှစ်ခက် (၁၉၆၈)
ငွေလကြယ်စင် (၁၉၆၈)
တိမ်တောက်ချိန် (၁၉၆၈)
အလှအပ(လက်ရွေးစင်မဂ္ဂဇင်းဝတ္ထုတိုများ) (၁၉၆၉)
မိုးပန်းဝေဝေ (၁၉၆၉)
နေဝန်းဖလ်ဝါ (၁၉၆၉)
နှင်းဆီကမွှေး (၁၉၇၀)
အလင်းနှင့်အမှောင် (၁၉၇၀)
အသက်ကလေးရယ်တဲ့ရှည်စေလို (၁၉၇၀)
လူချို (၁၉၇၁)
ပျံသာပျံပါငှက်ရွှေဝါ (၁၉၇၁)
ဆူးနှစ်ဆူး (၁၉၇၁)
နေခြည်ဖြာတော့နွေးလိမ့်မယ် (၁၉၇၂)
မလေးသုံးပန်လှ (၁၉၇၂)
လှေတစ်စင်းနဲ့ရွက်လွှင့်မယ် (၁၉၇၂)
သူကအနီ ကိုယ်ကအစိမ်း (၁၉၇၂)
အဝါနှင့်အစိမ်း (၁၉၇၂)
မိုးတစ်လှမ်းမြေတစ်လှမ်း (၁၉၇၂)
လှမ်းမယ်နော်အောင်မြေနန်းကို (၁၉၇၃)
ချစ်ခြင်းကိုဖွဲ့ဆိုမယ် (၁၉၇၃)
ဆီမီးတစ်ထောင်ပန်းတစ်ထောင် (၁၉၇၃)
တစ်ခိုင်နှစ်ခိုင်နှင်းပန်းခိုင် (၁၉၇၃)
ဇင်ဂမုန်းနဲ့ယဉ်ဦးမယ် (၁၉၇၄)
နံ့သာတောမှာပြောပါလား (၁၉၇၄)
သေနိုင်ပါရိုးလား (၁၉၇၄)
စကားတစ်ဖြာလှလိမ့်မယ် (၁၉၇၅)
စာပေဆွေးနွေးပွဲ (၁၉၇၅)
တိမ်နီလာ (၁၉၇၅)
လွင် (၁၉၇၅)
ဝါဆိုဦးကပန်ဖူးတယ် (၁၉၇၅)
အရုဏ်ဦးမှာ ပန်းသစ်ပွင့်တယ် (၁၉၇၆)
နန္ဒမည်သာ (၁၉၇၇)
သရဖီဦး (၁၉၇၈)
ဝတ္ထုတိုစာတမ်းများ
(မောင်ထင်၊ အခြားသူများနှင့်တွဲဖက်လျက်) (၁၉၇၉)
မပုံ့အကြောင်း (၁၉၇၉)
ပတ္တမြားမြလုံးနီလာကုံး (၁၉၈၀)
တစ်ရောင်တည်းခြယ် (၁၉၈၁)
ပေါက်ပေါက်နဲ့အပေါင်းအဖော်များ (၁၉၈၂)
နဒီသောင်ကမ်းဘေးမှ နွေးသည် (၁၉၈၄)
ပန်းတွေတိတ်ဆိတ် အိပ်နေတယ် (၁၉၈၅)
ကမ္ဘာမြေရဲ့တေး (၁၉၈၈)
နေပွင့်လပွင့်ကြယ်ပွင့်များ (၁၉၈၉)
အိုဆာကာမီဂျီဂန်ဘွန်းမှသည်ပုဂံသို့ (၁၉၉၃)
တိမ်လွှာပေါ်မှခြေရာများ (၁၉၉၅)
အင်ကြင်းရဂုံ (၁၉၉၆)
အောင်ရဲအောင် (၁၉၉၆)
ထာဝရလရိပ်ချို (၁၉၉၉)
မိုးရေချိုချို (၂၀၀၂)
တက္ကသိုလ်စာမျက်နှာများ (၂၀၀၂)
ကုသိုလ်ဖြစ်မြစ်တစ်စင်း (၂၀၀၃)
စစ်ကိုင်းသမီးဒိုင်ယာရီ (၂၀၀၃)
